Id-difensur ta’ Arsenal, William Saliba, ikkonferma x-xewqa tiegħu li jħalli lill-club u jiffirma ma’ Marseille bi ftehim permanenti.
Iż-żagħżugħ ta’ 21 sena ntbagħat b’self tliet darbiet minn meta ngħaqad mal-Gunners għas-somma ta’ £27m fl-2019 u għad irid jagħmel dehra fl-ewwel team għall-Gunners.
Saliba gawda perijodu ta’ self produttiv ma’ Nice matul it-tieni nofs tal-istaġun 2020-21 iżda ma ngħatax iċ-ċans li jidħol fil-pjanijiet ta’ Mikel Arteta fis-sajf li għadda.
