L-attakkant Brażiljan Willian Borges da Silva mhux se jġedded il-kuntratt tiegħu ma’ Fulham u għalhekk hu aġent ħieles sa mill-bieraħ. L-eks attakkant ta’ Arsenal u Chelsea kien qed jilgħab ukoll ma’ Corinthians iżda donnu ħass in-nuqqas tal-futbol Ewropew u l-għan tiegħu hu li jirritorna jilgħab fil-kampjonat Ingliż.
Willian lagħab 27 logħba ma’ Fulham matul l-istaġun li għadda u skorja ħames gowls u wettaq sitt assists.
