Real Madrid irreġistraw it-tieni rebħa minn daqstant logħbiet fil-kampjonat Spanjol meta marru għand Celta Vigo u għelbuhom bl-iskor ta’ 4-1.
Kienet wirja mpekkabbli ta’ Luka Modric li kien fi klassi għalih biex għen lil Los Blancos joħorġu rebbieħa.
Kien Karim Benzema li fetaħ l-iskor fl-14-il minuta minn penalty. Iżda disa’ minuti wara Iago Aspas kiseb id-draw ukoll mill-11-il metru.
Peró tliet minuti minn tmiem l-ewwel taqsima Luka Modric reġa’ xeħet lill-Madrileni fil-vantaġġ.
Fit-tieni taqsima, Real iddominaw għal kollox lill-avversarji tagħhom meta skorjaw darbtejn oħra minn Vinicius Junior fis-56 minuta u Federico Valverde fis-66 minuta.
Tliet minuti mit-tmiem, Eden Hazard falla penalty.
