Din is-sena, l-Għaqda Ħbieb tal-Presepju Malta qed jorganizzaw wirja ta’ presepji fil-Palazzo Ferreria, il-Belt Valletta. Wirja li tirrifletti l-ħila tad-dilettanti Maltin li joħolqu atmosfera differenti tal-Milied minn sena għall-oħra.
L-Orizzont tkellem mal-President tal-Għaqda Ħbieb tal-Presepju Malta Noel Pace li qalilna li b’kollox hemm mal-40 presepju esebit, bi stili u karatteristiċi differenti. Huwa stieden lin-nies sabiex iżuru din il-wirja filwaqt li fakkar li s-sena d-dieħla l-Għaqda se tkun qiegħda tiċċelebra wkoll l-40 sena mit-twaqqif tagħha.
Il-wirja se tibqa’ miftuħa sal-Ħadd 28 ta’ Diċembru u d-dħul huwa bla ħlas.