Wara li wasal fil-Katalunja ħabta u sabta u eventwalment ħareġ mill-irtirar tal-futbol, il-goalkeeper internazzjonali Pollakk Wojciech Szczesny qed ikompli jikkonvinċi lil Barcelona li se jkunu qed iġeddulu l-kuntratt tiegħu.
L-eks goalkeeper ta’ Arsenal u Juventus għandu 34 sena u s’issa lagħab 16-il partita fejn minnhom rebaħ 14-il logħba u ġie draw f’żewġ okkażjonijiet. Hu qala’ biss 16-il gowl minn daqstant partiti u daħal bejn il-lasti Katalani wara li weġġa’ l-goalkeeper Marc Andre Ter Stegen.
