Xavi Simons iddeċieda li jirritorna maċ-champions Franċiżi Paris St Germain wara staġun wieħed biss ma’ PSV Eindhoven. Dan il-plejer kien protagonist mat-tim Olandiż iżda ħass li kellu jmur lura fejn beda l-karriera professjonali tiegħu bit-tama li jsib postu taħt il-gwida tal-kowċ il-ġdid Luis Enrique.
Fi stqarrija, PSV irringrazzjaw lil Simons għas-servizz li ta lill-klabb. Simons għandu 20 sena u fl-istaġun li għadda skorja 19-il gowl f’34 logħba ma’ PSV.
