Xewkija Tigers FC ikkonfermaw l-akkwist tal-attakkant Brażiljan, Marcelo Barbosa.
L-eks attakkant ta’ Nadur u Hamrun m’għandu bżonn l-ebda introduzzjoni.
Meqjus bħala wieħed mill-aqwa plejers barranin ta’ żminijiet riċenti, Barbosa rebaħ il-premju tal-aqwa skorer diversi drabi.
Il-Brażiljan se jerġa’ lura lejn Għawdex wara esperjenza fl-Indoneżja.
Xewkija laqgħu lil Marcelo fil-klabb u awgurawlu l-isbaħ xewqat għall-futur.