Is-Sindku tal-Belt Valletta, Alfred Zammit, ilbieraħ tella’ post fuq il-midja soċjali fejn esprima d-diżappunt tiegħu wara li xi persuni mhux magħrufa ħallew mandra fiċ-ċentru tal-Belt Valletta.
Huwa qal kif kien hemm xi wħud li flok ikkundannaw lil min verament ħammeġ, ħadu l-okkażjoni biex jattakkaw lill-Kunsill Laburista sabiex jagħmlu ħsara lill-Belt Valletta.
Is-Sur Zammit tenna li mill-ewwel ittieħdet azzjoni u sar it-tindif mill-Cleansing Department. Huwa rringrazzja lill-ħaddiema kollha filwaqt li qal li se jkomplu jaħdmu mal-pulizija sabiex jinqabad min għamel din il-mandra fiċ-ċentru tal-Belt Valletta.
Huwa appella lin-nies sabiex jingħaqdu flimkien ħalli tinżamm l-indafa ġewwa l-kapitali.
