Il-clubs tal-Premier League nefqu £815 miljun matul is-suq tat-trasferimenti ta’ Jannar – kważi erba’ darbiet il-£225 mijun li ntefqu flimkien fi Spanja, l-Italja, il-Ġermanja u Franza.
Il-coach ta’ Milan, Stefano Pioli, illum jilqgħu lil Tottenham fl-aħħar 16 taċ-Champions League f’San Siro, jgħid li d-distakk finanzjarju bejn il-Premier League u l-ogħla diviżjonijiet l-oħra tal-Ewropa, huwa “kbir wisq”.
“Nippreferi li nikkonċentra fuq affarijiet fil-ground, iżda m’hemm l-ebda logħba għalihom ekonomikament,” qal il-coach ta’ Milan.
Id-dominanza finanzjarja tal-Premier League fl-Ewropa żdiedet għall-ogħla proporzjon qatt irrappurtat f’Jannar.
L-infieq mill-clubs Ingliżi tal-ogħla livell kien jammonta għal 79% tat-total madwar il-kampjonati tal-football tal-‘Big Five’ tal-Ewropa, fejn in-nefqa ta’ Jannar naqset b’35% mill-2022.
Chelsea nefqu aktar f’Jannar – madwar £288 miljun – mit-total flimkien tal-clubs kollha ta’ La Liga, Serie A, Bundesliga u Ligue 1.
Milan kienu wieħed mit-12-il club – fosthom sitta mill-Ingilterra – li qablu li jingħaqdu ma’ Super League Ewropew ġdid f’April 2021.
Iżda ċ-champions 19-il darba Taljani kienu fost dawk li ħarġu wara pressjoni qawwija mill-partitarji, li kkawżaw dik li kienet tkun mossa li tbiddel il-pajsaġġ għall-kollass.
Is-sena li għaddiet, il-kap eżekuttiv ta’ Milan Ivan Gazidis – li minn dak iż-żmien ħalla lill-club minħabba saħtu – qal li jrid ikun hemm “bilanċ kompetittiv” bejn il-Premier League u kampjonati oħra.
“Jekk il-clubs tal-Premier League nefqu €900 miljun u aħna fl-Italja ma nafna xejn jidher ċar li hemm distakk ekonomiku li huwa kbir wisq,” qal Pioli.
Pioli, 54 sena, mexxa lil Milan għat-titlu tas-Serie A fl-istaġun 2021-22 – l-ewwel Scudetto tagħhom mill-2010-11 – iżda t-team tiegħu tħabat fid-difiża tat-titlu.
Ir-Rossoneri jinsabu fil-ħames post tas-Serie A, 18-il punt ‘il bogħod mil-leaders Napoli, wara 22 round tal-istaġun ta’ 38 logħba.
