Jaqueline Meza ftit jiem ilu sparixxiet mill-bajja ta’ Oaxaca fil-Messiku. Kienet ommha li ħarġet twissi. Skont hi inħatfet waqt li kienet qed tiekol f’ristorant. Qabilha Seba’ rġiel għebu minn din l-istess żona f’Jannar.
Disa’ żgħażagħ oħra għebu fl-aħħar ta’ Frar. Ma nstema’ xejn fuq l-ewwel grupp. Il-katavri tat-tieni grupp instabu 250 mil bogħod, fi stat ieħor, ġewwa karozza abbandunata.
Dak li ġara bejniethom għadu misteru, iżda l-awtoritajiet qegħdin jinvestigaw. Ir-reati ħolqu biża’ kbir f’din id-destinazzjoni turistika mill-aktar popolari.
