Xufier li l-identità tiegħu sa issa għadha mhix magħrufa ittieħed l-Isptar Mater Dei. Dan waral i aktar kmieni għall-ħabta tat-8:00 a.m., kien involut f’inċident tat-traffiku fi Triq il-Kanun f’Santa Venera.
Minn informazzjoni li kiseb dan is-sit, jirriżulta li x-xufier ta’ karozza Y plate tilef il-kontroll tal-vettura, bil-konsegwenza li baqa’ diieħel f’ħanut tax-xagħar, li f’dak il-ħin kien magħluq.
Fuq il-post, issejjaħ tim mediku li ta l-assstenza medika lix-xufier, sakemm dan imbagħad ittieħed l-isptar Mater Dei b’ambulanza.
Sa issa l-kundizzjoni tiegħu għadhom mhux magħrufa. Il-Pulizija għadha għaddejja bl-investigazzjonijiet tagħha fuq il-każ.