Xufier ta’ mutur ġie ċċertifikat li weġġa’ gravi wara li għall-ħabta ta’ nofsinhar kien involut f’inċident tat-traffiku fi Triq L-Imdina, Birkirkara.
Fi stqarrija l-Pulizija qalu li huma marru minnufih fuq il-post u minn stħarriġ preliminari rriżulta li kienet seħħet ħabta bejn Opel Astra misjuqa minn raġel ta’ 32 sena residenti San Ġwann u mutur Honda misjuq minn raġel ta’ 29 sena residenti Santa Venera.
Fuq il-post issejjaħ tim mediku u ambulanza ħadet lix-xufier tal-mutur l-Isptar Mater Dei.
L-investigazzjonijiet tal-Pulizija għadhom għaddejjin.
