Kien għall-ħabta tas-6.00pm tal-bieraħ meta il-Pulizija ġiet infurmata b’inċident tattraffiku fi Triq Tal-Ibraġ, is-Swieqi.
Fi stqarrija l-Pulizija qalet li marret minnufih fuq il-post u minn stħarriġ preliminari rriżulta li kienet seħħet ħabta bejn Volkswagen Golf misjuqa minn mara ta’ 23 sena residenti Tas-Sliema u mutur Sunra Robo-S misjuq minn raġel ta’ 27 sena u jgħix San Ġwann.
Fuq il-post issejjaħ tim mediku u ambulanza ħadet lix-xufier tal-mutur l-Isptar Mater Dei, fejn ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.