Il-goalkeeper internazzjonali Svizzeru, Yann Sommer, jista’ jitlaq lil Bayern Munich wara biss sitt xhur li ngħaqad magħhom.
Skont rivista sportiva Ġermaniża, il-goalkeeper li wasal fil-belt ta’ Munich għas-somma ta’ €8 miljun sabiex jieħu post Manuel Neuer, jista’ ma jsibx postu matul l-istaġun li ġej dejjem jekk l-istess Neuer isib postu bejn il-lasti.
Sommer jixtieq ikun għal darb’oħra għażla awtomatika tat-tim nazzjonali Svizzeru għall-kampjonati Ewropej li se jsiru fis-sajf 2024 fil-Ġermanja.
