Mhux sigriet li f’dawn l-aħħar jiem, Barcellona kkuntattjaw lil Atletico Madrid sabiex jiksbu s-servizzi tal-winger Belġjan Yannick Carrasco. Dan il-plejer ta’ 30 sena għandu kuntratt mal-Colchoneros li jiskadi fis-sena 2024 u qed jevalwa x’għandu jkun il-pass li jmiss.
Mill-banda l-oħra, il-Katalani ltaqgħu mal-Madrileni għalkemm ma tidhirx li se tkun biċċa xogħol faċli li jakkwistawh.
Sadanittant xi ġurnali Spanjoli qed jgħidu li Carrasco diffiċli jingħaqad mal-Blaugrana minħabba li għandu f’moħħu li jiffirma għal żewġ staġuni oħra ma’ Atletico Madrid.
