Zabbar SP FC ħabbru l-akkwist ta’ Mario Fontanella.
Mario, ta’ 36 sena, m’għandu bżonn l-ebda introduzzjoni f’Malta, wara li gawda staġuni ta’ suċċess ma’ Floriana u Valletta.
Il-karriera tiegħu ħaditu wkoll fil-Bahrain ma’ Al-Muharraq u aktar riċentement fil-Kuwajt ma’ Al-Yarmouk SC.
Fi stqarrija, Zabbar SP qalu li bħala skorer prolifiku, il-ħila ppruvata ta’ Mario li jiskorja gowls u l-esperjenza tiegħu se jkunu nifs ta’ arja friska għall-attakk tagħhom.