Zabbar SP FC akkwistaw is-servizzi tal-attakkant internazzjonali ta’ 31 sena mill- Guinea Bissau, Toni Brito Silva Sá.
Prodott ta’ Real Massama fil-Portugall, Toni Silva ngħaqad ma’ Benfica u eventwalment ma’ Chelsea u Liverpool fil-livell tal-youths. Huwa kompla jilgħab mat-tim tar-riservi ta’ Liverpool u t-tim ta’ taħt il-21 sena qabel ma ngħaqad ma’ Barnsley, segwit minn perjodu ta’ self ma’ Dagenham & Redbridge.
Silva mbagħad mar jilgħab il-Bulgarija fejn lagħab ma’ CSKA Sofia u aktar tard ma’ Sanliurfaspor fit-Turkija, Uniao Madeira fil-Portugall, APO Levadiakos fil-Greċja, Mamelodi Sundowns fl-Afrika t’Isfel, Ittihad Alexandria fl-Eġittu, Astra Giurgiu fir-Rumanija, Taraz, Tobol Kostanay, FC Turan u FC Aksu fil-Każakstan u Kazma SC fil-Kuwajt.
Zabbar, li kkonfermaw lil Aniello Parisi bħala l-kowċ tagħhom, qabel kienu ffirmaw lil Jonathan Grech, Ryan Scicluna, Zean Leonardi, Nicholas James Agius, Kean Scicluna, Timothy Eviparker, Cameron Dalli, Craig Micallef, Zven Polidano, Shaun Carabott, Mayron, Samuel Gomes, Mario Fontanella, Pedro Cejas, Young Haroun Tbuchauna, u Imbuchauna.