Id-difensur internazzjonali Malti ta’ Casa Pia AC, Zach Muscat, ingħaqad ma SC Farense liema club huwa bbażat f’Faro fir-reġjun ta’ Algarve.
Dan it-team jilgħab f’Liga Portugal 2 wara li ġie relegat fl-2020/21. Fl-istaġun li għadda huwa temm fil-11-il post.
Bla dubju, Muscat għandu esperjenza kbira fil-football Portugiż hekk kif dan huwa t-tielet club li jinkludi wkoll lil Olhanense li miegħu lagħab fl-2019/20.
Iżda Casa Pia jibqgħu t-team li miegħu għamel l-aktar suċċess meta kien strumentali biex rebaħ il-promozzjoni għall-ogħla diviżjoni wara 83 sena.
Mat-team nazzjonali Malti, Muscat li beda l-karriera tiegħu ma’ Pieta Hotspurs, lagħab 56 partita u skorja tliet goals.
