Zero Sei huma r-rebbieħa tal-Enemed Women’s Trophy wara li fil-finali li saret fil-Padiljun tal-Mediterranean College of Sport għelbu lil Lija Athletic Futsal 4-3.
Kienet finali ferm missielta fejn iż-żewġ naħat taw qalbhom bl-ewwel taqsima tkun waħda bilanċjata hekk kif l-iskor kien 2-2.
Fit-tieni taqsima, Zero Sei ħarġu tajjeb u fetħu vantaġġ ta’ żewġ gowls b’Lija li naqqsu l-marġni tal-iskor lejn l-aħħar u li iżda ma kienx biżżejjed sabiex isalvaw il-logħba.
Andrea Alonso, Elisa Csik, Nicole Espinel u Rocio Robles skorjaw il-gowls ta’ Zero Sei filwaqt li Lija kellhom lil Leanne Micallef tiskorja doppjetta b’Hailey Russell iżżid ieħor.
Fi tmiem il-partita, Karl Loftus, rappreżentant tal-kumpanija Enemed ippreżenta t-tazza lill-plejer ta’ Zero Sei Elisa Czik.
Referees kienu Danilo Francalanza u Andrea Naudi.
