Matul il-lejl tas-Sibt żewġ ħallelin ippruvaw jidħlu fil-villa tal-plejer Arġentin Lionel Messi li tinsab f’Castelldefels fil-Katalunja.
Filmati li dehru fuq il-kameras tas-sigurta’ wrew kif dawn iż-żewġ ħallelin qabżu mill-bieb tal-ġnien iżda ma rnexxielhomx jiftħu l-bieb jew it-twieqi tal-villa tal-plejer Arġentin. Fi ftit minuti huma kellhom ilebbtu ‘l hemm minħabba li kienet għaddejja ronda tal-pulizija fl-inħawi.
Sadanittant Barcellona se jippruvaw jiksbu l-firma tal-istess Messi li bħalissa jinsab ma’ Paris St Germain iżda żamm il-post li għandu bil-Katalunja.
