Azzjoni immedjata mill-Pulizija wasslet sabiex jiġu arrestati żewġt irġiel b’rabta ma’ attentat ta’ serqa.
Aktar kmieni llum, għall-ħabta tad-9:15 a.m., il-Pulizija ġiet infurmata li kenet qed issir serqa fi Triq il-Buzjett, in-Naxxar, fejn żewġ persuni kienu sgassaw bieb ta’ residenza u daħlu ġewwa.
Il-Pulizija marru mill-ewwel fuq il-post u nnutaw żewġ persuni fl-istess triq li kienu jaqblu mad-deskrizzjoni li ngħatat.
Iż-żewġ persuni, raġel ta’ 38 sena residenti Santa Venera u ieħor ta’ 59 sena residenti x-Xagħra, ġew arrestati għal aktar investigazzjonijiet, filwaqt li l-istħarriġ tal-Pulizija, għadu għaddej.
