Il-Ministru għall-Ekonomija Silvio Schembri fil-Parlament semma kif hemm żewġ kumpaniji internazzjonali li huma interessati biex jiżviluppaw il-post li kien serva bħala miżbla f’Ħal Luqa.
Hu qal li “ jien trabbejt Ħal Luqa. Spazji miftuħ m’hemm imkien. Wasal iż-żmien li l-miżbla ta’ Ħal Luqa, bħala gvern qed nallokaw €50 miljun biex din titnaddaf u ssir kif suppost u nagħtu xi ħaġa lura lil Ħal Luqa. Dan biex il-kwalità tal-ħajja tagħhom titjieb. Inħares ‘l quddiem għall-implimentazzjoni ta’ dan il-proġett. Għaddejja evalwazzjoni fuq żewġ bidders internazzjonali u l-proġett mistenni jibda is-sena d-dieħla”.
