Rapporti fil-midja Taljana qalu li ż-żewġ Maltin koppja anzjana kienu qed jivvjaġġaw fit-triq prinċipali li tinsab bejn il-belt ta’ Katanja u l-belt ta’ Ragusa.
Għal xi raġuni, il-vettura kellha impatt ma’ trakk li jġorr l-iskart fuq il-kareġġjata opposta.
L-inċident seħħ għall-ħabta tat-3pm. Qed ikun irrapportat li karozza kienet bi pjanċi Maltin.
Il-Ministeru għall-Affarijiet Barranin u t-Turiżmu, permezz tas-Servizzi Konsulari tiegħu u l-Ambaxxata ta’ Malta f’Ruma, jinsab f’kuntatt mal-familja taż-żewġ vittmi, u qed joffri l-appoġġ kollu meħtieġ f’dan il-mument daqstant diffiċli.
