Żewġ persuni kellhom jiddaħlu l-Isptar wara li għall-ħabta ta’ 11.45am kienu nvoluti f’inċident tat-traffiku fil-Fgura.
Kelliem għall-pulizija qal lil dan is-sit li l-inċident seħħ bejn mutur Honda misjuq minn raġel ta’ 31 sena minn San Ġiljan u karozza Ford Fiesta li kienet misjuqa minn raġel ta’ 60 sena residenti Wied il-Għajn.
Fuq il-post mar tim mediku b’ambulanzi li ħadu liż-żewġ sewwieqa l-Isptar Mater Dei.
Il-kundizzjoni tagħhom s’issa għadha mhux magħurfa filwaqt li l-pulizija qegħdin jinvestigaw dan l-inċident.