Inċident li ġibed l-attenzjoni tal-midja kollha Taljana kien dak li seħħ f’Milan fejn żewġ żgħażagħ tilfu ħajjithom f’inċident tat-traffiku fil-belt Taljana ta’ Milan.
Perer Kuranage, ta’ 23 sena residenti f’Lucca, u Elisa Teodora ta’ 20 sena residenti f’Locate di Triulzi.
Huma kienu qegħdin isuqu mutur u mill-ewwel investigazzjonijiet irriżulta li ma waqfux meta d-dawl qaleb aħmar bil-konsegwenza li ħabtu ma’ taxi.
Ix-xufier tat-taxi wkoll ittieħed l-isptar minħabba li sofra ġrieħi ħfief.
Iż-żewġ żgħażagħ ġew iċertifikati mejta fuq il-post.
