Żewġt irġiel arrestati wara li nstabu fil-pussess ta’ droga fil-Marsa

Żewġt irġiel qegħdin jinżammu taħt arrest wara li fil-pussess tagħhom instabu pakketti b’sustanza suspettuża, allegatament droga. Huma kienu arrestati mill-Pulizija waqt ronda fil-Marsa.

Kienu għall-ħabta tat-8:30 p.m xħin il-Pulizija waqfu vetturafi Triq ix-Xwieni, fil-Marsa, wara li qam suspett fiż-żewġ persuni li kienu fiha. Il-vettura kienet qiegħda tinstaq minn raġel ta’ 29 sena residenti Birżebbuġia u passiġġier, raġel ta’ 44 sena residenti Bormla.

Minn tfitxija li saret fuq iż-żewġ persuni, instabu pakketti bi trab kannella, suspettata droga. Il-Pulizija wettqu wkoll tfittxija fil-vettura fejn instabu diversi oġġetti relatati mal-abbuż tad-droga.

Bil-każ kienu infurmati l-Pulizija tal-Għassa ta’ Raħal Ġdid, li qegħdin imexxu l-investigazzjonijiet.