L-Akkademja Olimpika Maltija, li tifforma parti mill-Kumitat Olimpiku Malti (KOM), bi sħab mal-Federazzjonijiet u l-Assoċjazzjonijiet affiljati mal-(KOM), flimkien maċ-Ċentru tal-Edukazzjoni Fiżika u l-Isport fi ħdan il-Ministeru għall-Edukazzjoni, Sport, Żgħażagħ, Riċerka (MEYR), żiedet l-impenn tagħha lejn il- Inizjattiva ‘School Olympics Malta’.
Din l-inizjattiva tistieden lill-istudenti tal-iskejjel medji u sekondarji biex jidħlu f’kompetizzjonijiet, tournaments, u festivals sportivi ġewwa l-iskejjel tagħhom
Dawn l-avvenimenti kienu ta’ suċċess kbir, xprunati mill-entużjażmu nazzjonali li segwa l-kisba storika li rat lil Malta fil-quċċata tal-klassifika tal-midalji għall-ewwel darba fil-Logħob tal-Pajjiżi ż-Żgħar tal-Ewropa, li ġew organizzati f’Malta fl-2023.
Il-programm ra żieda t’interess mill-istudenti li jixtiequ l-opportunità li jipprattikaw id-dixxiplini favoriti tagħhom fil-livell tal-iskola.
L-għażla tal-grupp ta’ età ntgħażlet minħabba li bejn l-etajiet ta’ 11 u 13-il sena, l-istudenti spiss jiltaqgħu ma’ stadju sinifikanti fil-vjaġġ atletiku tagħhom, fejn iridu jieħdu deċiżjonijiet dwar l-involviment tagħhom fl-isport. Dan il-perjodu jista’ jinvolvi li wieħed jikkontempla jekk ikomplix bl-isport attwali tagħhom, jaqlibx għal wieħed differenti, jew jidħolx f’dixxiplini kompletament ġodda.
L- iSchool Olympics Malta Project huwa proġġet kruċjali matul din il-fażi, minħabba li jħeġġeġ l-esplorazzjoni fil-qasam tal-isports.
Din is-sena, il-programm ġie estiż biex jinkludi Netball, logħba popolari ħafna li jgawdu kemm il-bniet kif ukoll is-subien. Barra minn hekk, il-Malta Squash Association mexxiet sessjonijiet ta’ introduzzjoni interessanti għall-istudenti li ntlaqgħu b’entużjażmu.
Il-programm jiġbor fih diversi dixxiplini bħall-Futbol, Volleyball, Basketball, Netball, Table-Tennis, Chess, Cross-Country, u Squash. Fix-xhur li ġejjin, qed isiru avvenimenti addizzjonali, bl-Atletika b’kompetizzjoni tat-Track & Field, Ibburdjar, u Waterpolo jiġu integrati fil-programm.
Biex jittejbu l-appell tal-avveniment, il-kompetizzjonijiet finali għad-dixxiplini bit-timijiet se jsiru matul ix-xhur ta’ April u Mejju 2024.
