Zinedine Zidane qal li l-ħajja tiegħu nbidlet kompletament wara li rtira mill-futbol u li għal tliet snin ma kienx jaf x’se jagħmel, sakemm iddeċieda li jidħol fil-kors tal-kowċing.
Huwa spjega li tgħallem ħafna mingħand kowċis bħal Marcello Lippi u Carlo Ancelotti, li kienu influwenzi kbar fil-karriera tiegħu. Zidane sostna li l-passjoni hija essenzjali biex kowċ ikun kapaċi jispira lill-plejers tiegħu. Żied li jixtieq jerġa’ lura għall-kowċing u li wieħed mill-għanijiet tiegħu hu li jmexxi lit-tim nazzjonali Franċiż fil-futur.