Aktar tard il-Ġimgħa, is-sidien ta’ Paris St-Germain mistennija jkollhom laqgħa mal-coach attwali, Mauricio Pochettino, biex jinfurmawh li se jtemmulu l-kuntratt b’mod ħesrem.
Dan minħabba li huwa falla milli jirbaħ il-UEFA Champions League kemm ilu fit-tmexxija tiegħu.
Il-Pariġini xeħtu l-attenzjoni fuq Zinedine Zidane biex ikun is-suċċessur tiegħu. Għada s-Sibt, Zidane mistenni jmur il-Qatar biex jibda taħditiet għal kuntratt li mistenni jkun mifrux fuq tliet snin.
Zidane mexxa lil Real Madrid għar-rebħ tal-UEFA Champions League għal tliet snin konsekuttivi.