L-attakkant Żvediż ta’ AC Milan Zlatan Ibrahimovic mhux se jkun jista’ jilgħab l-aħħar logħba tal-kampjonat kontra Hellas Verona minħabba li għadu muġugħ.
Ibrahimovic ipprova kemm-il darba sabiex jirkupra mill-problema li għandu f’siequ iżda ma rnexxielux jagħmilha hekk kif kien qed jittanta xortih biex jilgħab l-aħħar logħba bil-flokk Rossonero.
Jidher li Ibrahimovic m’għandux intenzjoni li jieqaf mill-futbol milgħub u jista’ jingħaqad ma’ tim ieħor minkejja li għandu 41 sena.
