Meta t-Tnejn filgħaxija se ssir il-preżentazzjoni tal-Ballun tad-Deheb 2022, ġie żvelta li r-rebbieħ se tkun l-attakkant internazzjonali Franċiż ta’ Real Madrid, Karim Benzema.
Dan l-attakkant ta’ 34 sena, fl-istaġun li għadda kien l-ispirazzjoni ewlenija ta’ Real Madrid biex għenhom jirbħu l-UEFA Champions League u l-kampjonat Spanjol fejn kien ukoll l-aqwa skorer taż-żewġ kompetizzjonijiet … b’27 goal fi Spanju u 15 fl-Ewropa.
Dan ifisser li huwa se jkun it-tieni player li se jirbaħ dan it-trofew mill-2007 mhux bl-isem ta’ Lionel Messi u Cristiano Ronaldo li ddominaw dan l-unur … bl-ieħor ikun Luka Modric, fl-2018.
B’hekk Benzema għeleb lil Sadio Mane (Liverpool), Robert Lewandowski (Bayern Munich) u Kylian Mbappe (Paris St Germain).
