Fl-aġġornament ta’ kuljum ipprovdut mill-paġna Saħħa, fl-aħħar 24 siegħa nstabu 117-il persuna li huma infettati bil-COVID-19. Dan instab wara li saru 3,120 swab test. Il-paġna ħabbret ukoll li rkupraw 63 persuna. Bħalissa it-total ta’ numru ta’ każi attivi huwa 2,172. Il-każi tal-lum għadhom qed ikunu investigati.
Rigward il-każi li nstabu lbieraħ, irriżulta li 19-il każ kienu membri tal-familja ta’ persuni li kellhom il-COVID-19, tnejn kienu kollegi li ġew f’kuntatt ma’ persuni bil-virus minn fuq ix-xogħol u tnejn kienu persuni li ġew f’kuntatt dirett ma’ persuni infettati.
