140 infermiera studenti lestew l-istudji tagħhom fl-Università ta’ Malta u jinsabu lesti biex jingħaqdu mas-sistema tas-saħħa.
Ir-Rettur tal-Università, Professur Alfred J. Vella qal li l-introduzzjoni ta’ dawn l-infermiera waslet fiż-żmien opportun, peress li għaddejjin mill-pandemija.
Id-Dekan tal-Fakultà tax-Xjenzi tas-Saħħa, Roberta Sammut faħħret l-isforzi tal-istudenti Universitarji li jistudjaw il-kura tas-saħħa. Qalet li dawn baqgħu kommessi fuq xogħolhom, minkejja l-biża’, l-isfidi u t-tħassib li kien hemm fl-aħħar xhur.
