Kien għall-ħabta tat-3.00pm meta ‘l isfel minn Mizieb Hill sewwieq ta’ karozza tilef il-kontroll u baqa’ dieħel f’ħajt.
Fuq il-post issejjaħ tim mediku fejn ħadu lis-sewwieq l-Isptar.
Ftit tal-ħin wara, fit-Tela’ ta’ Selmun seħħ inċident bejn żewġ vetturi. Żewġ persuni li kienu fil-vetturi ttieħdu l-isptar Mater Dei b’ambulanza.
Il-kundizzjoni tal-persuni nvoluti l-inċident s’issa għadha mhix magħrufa filwaqt li l-pulizija qegħdin jinvesitgaw dawn l-inċidenti.