AC Milan qed jaħsbu sabiex isaħħu d-difiża u ftit jiem qabel ma jispiċċa s-suq tat-trasferimenti tas-sajf, id-diriġenti tal-club qed jevalwaw żewġ ismijiet. Dawn huma Trevor Tom Chalobah ta’ Chelsea u Malick Thiaw ta’ Schalke 04. Iż-żewġ players għandhom kwalitajiet difensivi simili u għalhekk il-coach tar-Rossoneri Stefano Pioli jixtieq li sal-31 t’Awwissu wieħed minnhom jiġi jilgħab fi Stadio San Siro.
Sadanittant għadu jiġi evalwat il-player ta’ nofs il-ground ta’ VFL Wolfsburg Aster Vrankx.
