AC Milan rrifjutaw l-opportunità li jakkwistaw lill-attakkant ta’ Chelsea, Romelu Lukaku, dan is-sajf.
Il-player internazzjonali tal-Belġju ingħaqad mal-Blues għal somma sostanzjali ta’ £97.5m mingħand ir-rivali ta’ AC Milan, Inter, iżda fl-aħħar xhur ġie relegat għall-post fuq il-bank wara numru ta’ wirjiet mhux daqshekk sodisfaċenti.
Lukaku ammetta wkoll is-sena l-oħra li kien ħerqan li jirritorna ma’ Inter, u dan wassal għal relazzjoni mhux mixtieqa mal-partitarji tal-Blues waqt li jipprova jibni fuq għadd żgħir ta’ ħames goals fil-Premier League matul dan l-istaġun.
AC Milan kienu interessati li jakkwistaw lil Lukaku mingħand Chelsea dan is-sajf, iżda issa qed jiġi rrappurtat li r-Rossoneri mhux qed jippjanaw li jiffirmaw lill-ex player ta’ Everton u Manchester United.
Dan hekk kif il-ftehim ta’ AC Milan ma’ Divock Origi jfisser li m’għandhom l-ebda pjan li jagħmlu offerta għal Lukaku, bil-kompatrijott Belġjan tiegħu se jħalli lil Liverpool bi free transfer dan is-sajf.
Lukaku jibqa’ taħt kuntratt fi Stamford Bridge sas-sajf tal-2026 iżda tneħħa mas-siegħa logħob wara li beda l-partita mal-ewwel 11 fit-telfa ta’ 4-2 ta’ nhar l-Erbgħa li għadda kontra Arsenal.
