Adriana Baldacchino kisbet il-Premju Speċjali BOV fix-Xjenza għall-prestazzjoni akkademika eċċezzjonali tagħha matul il-programm BSc(Hons) mill-2020 sal-2024. Dan il-premju prestiġjuż jinagħta lill-istudent li jkun kiseb l-ogħla marka ġenerali fil-qasam tiegħu, filwaqt li jenfasizza d-dedikazzjoni, ix-xogħol iebes, u l-passjoni għax-xjenza.
Il-vjaġġ ta’ Adriana, permezz tal-programm BSc(Hons), kien ikkaratterizzat minn eċċellenza konsistenti. Il-ħila tagħha li tifhem kunċetti xjentifiċi kumplessi u tapplikahom b’mod effettiv għenha tispikka fost sħabha. L-impenn tagħha għall-istudji tagħha u l-għatx bla waqfien tagħha għall-għarfien wassluha għal dan il-premju mistħoqq.
Adriana Baldacchino ġiet ippreżentata bil-premju tagħha mill-Prof. Emmanuel Sinagra, Dekan tal-Fakultà tax-Xjenza fl-Università ta’ Malta, u Silvio Cassar, Manager Business Generation fil-Bank of Valletta.
“Adriana wriet ħila u impenn eċċezzjonali fl-istudji tagħha, u b’mod konsistenti kisbet l-ogħla marki fis-suġġetti kollha,” qal il-Prof. Sinagra. “Ix-xogħol iebes u l-passjoni tagħha għax-xjenza kienu ta’ eżempju notevoli għal sħabha u l-komunità akkademika. Nieħdu din l-opportunità biex nifirħulha għal dan il-premju tant mistħoqq u aħna se nkomplu nsegwu s-suċċessi tagħha fil-qasam tax-xjenza.”
“Il-Premju Speċjali tal-BOV fix-Xjenza huwa kollaborazzjoni bejn il-BOV u l-Università ta’ Malta bil-għan li jinkoraġġixxi l-eċċellenza akkademika, jippromwovi r-riċerka xjentifika filwaqt li jrawwem kultura ta’ suċċess u jiċċelebra x-xogħol iebes tal-aqwa studenti,” qal is-Sur Cassar. “Dan il-premju prestiġjuż jenfasizza l-eċċellenza u d-dedikazzjoni akkademika u żgur li se jservi biex itejjeb is-CV tagħha filwaqt li jgħtiha l-motivazzjoni biex tkompli tistinka għall-eċċellenza.”
