Tim mediku mill-Isptar Mater Dei, Uffiċjali tal-Pulizija u Membri Mid-Dipartiment tal-Protezzjoni Ċivili ssejħu biex jassitu wara li nqalbet karozza f’Ħal Qormi.
Il-Każ seħħ għall-ħabta tas-7:00 p.m fi Triq l-Imdina meta raġel li kien qiegħed isuq karozza tal-għamla Toyota Aygo għal xi raġuni spiċċa nqaleb.
Għalkemm fortunatament ħadd ma’ weġġa’ f’dan l-inċident, is-sewwieq ittieħed lejn l-Isptar Mater Dei minħabba xokk li sofra.
Minnufih bdiet ħidma biex il-karozza tkun tista’ titneħħa u t-traffiku jkun jista’ jipprosegwi b’mod normali.
L-investigazzjonijiet tal-Pulizija għadhom għaddejjin.