Aġġornat:
it-turn-out għall-elezzjoni jidher li se tkun dik ta’ 86% hekk kif bdew ħerġin l-ewwel proġezzjonijiet, tnaqqis ta’ 6.5% mit-total ta’ dawk li vvutaw fl-2017. Jidher li ż-żewġ distretti li se jkunu qegħdin jirreġistraw l-inqas persentaġġ ta’ voti huma d-9 distrett u l-10 distrett, distretti li huma tradizzjonalment assoċjati mal-PN.
It-tielet, il-ħames u is-sitt distretti jidhru li se jkollhom persentaġġ qawwi minkejja li xorta waħda rresġistraw tnaqqis mill-elezzjoni tal-2017.
| Persentaġġ approssimattiv ta’ voti mitfugħa fl-4 ijiem ta’ votazzjoni 2022 | |||
| Distrett | Votanti Reġistrati | Total | % |
| 1 | 25,862 | 22,124 | 85.55% |
| 2 | 26,940 | 23,475 | 87.14% |
| 3 | 27,566 | 24,216 | 87.85% |
| 4 | 26,688 | 23,184 | 86.87% |
| 5 | 27,056 | 23,590 | 87.19% |
| 6 | 27,321 | 23,865 | 87.35% |
| 7 | 27,923 | 24,577 | 88.02% |
| 8 | 26,360 | 22,747 | 86.29% |
| 9 | 26,007 | 21,936 | 84.35% |
| 10 | 26,777 | 21,848 | 81.59% |
| 11 | 27,401 | 23,233 | 84.79% |
| 12 | 28,249 | 22,142 | 78.38% |
| 13 | 30,925 | 26,638 | 86.14% |
| Total | 355,075 | 303,575 | 85.50% |
L-attivitá fiċ-Ċentru tal-Għadd tal-Voti tintensifika
Hekk kif il-votazzjoni ilha kważi sagħtejn magħluqa, l-attivitá fiċ-Ċentru tal-Għadd tal-Voti intensifikat hekk kif waslu numru kbir ta’ kaxxi tal-voti.
L-aħħar kaxxi li huma mistennija jaslu fin-Naxxar huma dawk ta’ Għawdex.
Jaslu l-ewwel kaxxi fin-Naxxar
Waslu lewwel kaxxi fin-Naxxar biex dawn jieħdu posthom skont id-distrett li jkunu ġew minnu.
Kollox lest ġewwa n-Naxxar
Hekk kif il-votazzjoni wasslet biex tasal fi tmiemha, fil-Ċentru tal-Votazzjoni fin-Naxxar jinsab kollox lest biex jibdew jaslu l-ewwel kaxxi.
Tiżdied l-attivitá fost il-votanti… Il-Kummissjoni Elettorali tgħid li sas-2PM ivvutaw 44%
Il-figura ppubblikata aktar kmieni llum, dik ta’ 143,628, hi ta’ dawk li vvutaw limitament fis-26 ta’ Marzu 2022, fis-2:00 p.m., u ma tinkludix eletturi li vvotaw fil-ġranet preċedenti tal-votazzjoni. Meta żżid dawk l-eletturi li vvutaw fil-ġranet ta’ qabel, li jammontaw għall-15,289 u li l-Kummissjoni Elettorali diġà ħarġet stqarrijiet dwarhom, il-persentaġġ iddikjarat illum ta’ 40.45% jitla’ għal 44.75%.
Numru ta’ persuni li tkellmu ma’ dan is-sit stqarrew li l-attivitá fl-aħħar sigħat fost il-votanti żdiedet b’ritmu tajjerb.
STQARRIJA MILL-PN
Wara l-analiżi li saret mill-Uffiċċju Elettorali tal-Partit Nazzjonalista (Elcom), il-Partit Nazzjonalista kiteb uffiċjalment lill-Kummissjoni Elettorali biex jinfurmahom li skont l-istess data ppubblikata mill-Kummissjoni Elettorali stess, l-ammont ta’ nies li vvutaw sas-2pm ilaħħaq l-44.8%.
L-ammont ta’ 143,628 eletturi li ivvutaw mit-total ta’ 355,075 (40.45% kif ippublikat) huwa biss għal dawk l-eletturi li ivvutaw illum, is-Sibt, 26 ta’ Marzu 2022. Ma dan għandhom jingħaddu l-ammont ta’ 15,289 elettur li ivvutaw fil-jiem ta’ qabel sabiex jirriflettu it-turnout totali ta’ dawk kollha li huma registrati bħala eletturi (355,075).
Għaldaqstant, it-turnout uffiċjali ppublikat mill-Kummissjoni Elettorali huwa żbaljat u għandu jiġi ikkoreġut immedjatament sabiex jirrifletti l-perċentwali rejali ta’ turnout ta’ 44.8% tal-votanti kollha reġistrati.
Il-Partit Nazzjonalista saħaq li l-Kummissjoni Elettorali għandha tikkoreġi dan in-nuqqas sabiex tirrifletti l-istampa rejali.
TURN-OUTS DISTRETTWALI
Il-Kummissjoni Elettorali ħabbret il-persentaġġi fid-distretti individwalment, bit-12-il distrett ikun id-distrett bl-inqas turn-out ta’ votanti.
| L-Ewwel Distrett | 43.85% |
| It-Tieni Distrett | 38.26% |
| It-Tielet Distrett | 38.87% |
| Ir-Raba’ Distrett | 42.81% |
| Il-Ħames Distrett | 40.23% |
| Is-Sitt Distrett | 39.32% |
| Is-Seba’ Distrett | 39.05% |
| It-Tmien Distrett | 42.55% |
| Id-Disa’ Distrett | 42.47% |
| L-Għaxar Distrett | 41.47% |
| Il-Ħdax-il Distrett | 39.28% |
| It-Tnax-il Distrett | 37.72% |
| It-Tlettax-il Distrett | 40.50% |
Aktar qabel:
40% jivvutaw sas-2:00PM
Il-Kummissjoni Elettorali għadu kemm ħabbar li sas-2:00 p.m. ivvutaw 40.45% ta’ dawk eleġibbli li jivvutaw, jew 143,628 votant minn 355,075 votant.
Dan il-persentaġġ huwa 11% inqas minn dak irreġistrat flk-2017.
