Fi stqarrija l-pulizija qalu li l-mara ta’ 85 sena li aktar kmieni llum intlaqtet minn karozza Peugeot 3008, wara li ttieħded l-isptar ġiet iċċertifikata li qegħda ssofri minn ġrieħi ta’ natura gravi.
L-investigazzjonijiet tal-Pulizija għadhom għaddejjin.
01.08pm: Anzjana l-Isptar wara li ntlaqtet minn vettura fil-Furjana
Anzjana kellha tiddaħħal l-Isptar wara li iktar kmieni llum, għall-ħabta tal-10:00 a.m kienet involuta f’inċident tat-traffiku fi Triq Sant’Anna, il-Furjana.
Minn stħarriġ illi sar irriżulta li mara ta’ 85 sena residenti San Ġwann ittajret minn vettura li kienet qed tinstaq minn raġel ta’ 39 sena li jgħix fil-Furjana stess.
Fuq il-post issejjaħ tim mediku sakemm il-mara setgħet tittieħed l-Isptar Mater Dei għall-kura. S’issa l-kundizzjoni tagħha għadha mhix magħrufa.
L-investigazzjonijiet tal-Pulizija b’rabta ma’ dan il-każ għadhom għaddejjin.
