Kelliem għal Pulizija kkonferma ma’ talk.mt li l-mara ta’ 72 sena ġiet iċċertifikata li sofriet minn ġrieħi ħfief. It-triq ta’ fejn seħħ l-inċident infetħet għat-traffiku
04.54: Mara ta’ 72 sena l-isptar wara li ħabtet ma’ 4 karozzi
Kien għall-ħabta tas-2.20pm meta fi Triq Ħal Qormi, f’Santa Venera mara ta’ 72 sena li kienet qed issuq karozza Toyota Aygo għal xi raġuni ħabret ma’ karozza oħra li kienet qiegħda tinsaq.
Kelliem għal Pulizija kkonferma ma’ talk.mt li wara li seħħet din il-ħabta, l-istess mara baqgħet dieħla fi 3 karozzi oħrajn li kienu pparkjati.
Fuq il-post issejħu tim mediku b’ambulanza li ħadu lill-anzjana l-Isptar Mater Dei.
Minħabba li l-kundizzjoni tagħha għadha mhix magħrufa, il-pulizija ma setgħux ineħħu l-vetturi u għalhekk inġema ħafna traffiku.
Il-pulizija qed tinvestiga dan il-każ.