The Busker bil-kanzunetta Dance Our Own Party rebħu l-festival tal-MESC 2023 biex b’hekk rebħu d-dritt li jirrappreżentaw lil Malta fil-Eurovision li se jsir f’Liverpool fl-Ingilterra f’Mejju li ġej.
The Busker se jkunu qegħdin ikantaw fl-ewwel semifinali fid-9 ta’ Mejju.
Ilejla l-organizzaturi tal-MESC offrew spettaklu mill-isbaħ kemm għal dawk li kienu preżenti fil-MFCC f’Ta’ Qali u wkoll lil eluf kbar ta’ telespettaturi li segwew fuq it-televiżjoni.
Dak li kien qed jingħad fl-aħħar sigħat fuq il-midja soċjali sar realtà hekk kif Adian kien il-mistieden speċjali ta’ dan il-festival. Aktar kmieni fil-kompetizzjoni Adian kien ġie swalifikat, iżda l-organizzaturi xorta waħda tawh iċ-ċans li jkanta fil-finali fejn offra spettaklu.
01.05pm – Ilejla jsir il-finali tal-MESC
Fl-MFCC f’Ta’ Qali ilejla se jsir il-finali tal-MESC fejn b’kollox se jikkompetu 16-il kantant/a li nhar il-Ħamis li għadda għaddew għal finali.
Min minnhom jirnexxilu jgħolli t-trofej, se jirbaħ id-dritt li jirrapreżenta lil Malta f’Liverpool fl-Ingilterra f’Mejju li ġej.
Il-festival kull sena jiġbed eluf kbar ta’ seġwaċi biex jaraw l-ispettaklu ta’ mużika li jiġi offrut. S’issa Malta qatt ma rebħet il-finali tal-festival li jsir f’pajjiż differenti kull sena.
Kien fl-1998 meta Malta kienet l-aktar qrib li tirbaħ dan it-titlu meta bil-kanzunetta The One That I Love tal-kantanta Chiara, b’seba’ punti biss ‘il bogħod mill-ewwel post.
Ira Losco wkoll kienet qrib ferm li tirbaħ dan il-festival bil-kanzunetta 7th Wonder fejn dakinhar kienet 12-il punt biss ‘il bogħod mill-ewwel post.
Il-finalisti li se jikkompetu flimkien ilejla huma dawn:
UP. – MATT BLXCK
EKU ĊAR – Christian Arding
ON MY OWN – Ian
HEARTBREAKER – Stefan’s Music
I DEPEND ON YOU – GIADA
CREEPING WALLS – Nathan Psaila
ALONE – Maxine Pace
GUESS WHAT – Eliana Gomez Blanco
DANCE (OUR OWN PARTY) – The Busker
THE MIRROR – Geo Debono
CHECKMATE – BROOKE
INDESCRIBABLE – Chris Grech
TRY TO BE BETTER – Fabrizio Faniello
IN THE SILENCE – Ryan Hili
IT’LL BE OK – Dan
LA LA LAND – Cheryl Balzan
