Il-Pulizija kkonfermat ma’ Talk.mt li iktar kmieni waranofsinhar, għall-ħabta tas-1:15 p.m., kien hemm xi nirien fis-sit tal-caravans li kienu kkawżati minn splużjoni, fl-inħawi tal-iSplash & Fun, f’Baħar iċ-Ċagħaq.
F’dan l-inċident inħarqu tliet strutturi tal-ħadid, kif ukoll karozza u vann li kien hemm fil-madwar.
Minnufih numru ta’ pumpiera ssejħu fil-post biex jassistu fit-tifi tan-nar u sabiex jagħtu l-għajnuna meħtieġa biex jinħarġu n-nies li kienu maqbuda fl-istrutturi tal-ħadid.
Fuq il-post issejħu tim mediku u ambulanza sabiex ikunu jistgħu jassistu lin-nies f’każ ta’ bżonn.
Kelliem għal dan is-sit ikkonferma li ma weġġa’ ħadd f’dan l-inċident.
Bil-każ ġie infurmat il-Maġstrat tal-Għassa Dr Noel Bartolo li ordna inkjesta.
