Raġel iddaħħal l-Isptar wara li iktar kmieni dalgħodu, għall-ħabta tal-11:00 a.m., kien involut f’inċident f’bitħa fi Triq San Pawl Kuntent, ir-Rabat.
Minn stħarriġ illi sar irriżulta li raġel ta’ 36 sena residenti l-Gudja, sofra minn xi ħruq waqt li kien ġo garaxx qed jagħmel xi xogħol ta’ manutenzjoni fuq dgħajsa.
Tim mediku ta l-assistenza tiegħu lir-raġel sakemm seta’ jittieħed l-Isptar Mater Dei għal aktar kura permezz ta’ ambulanza li ssejħet fil-post. Aktar tard huwa ġie ċċertifikat bi ġrieħi serji.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
Bil-każ ġie infurmat il-Maġstrat tal-Għassa Dr Noel Bartolo li ordna inkjesta.
L-investigazzjonijiet tal-Pulizija b’rabta ma’ dan il-każ għadhom għaddejjin.
