Tifla ddaħlet l-Isptar wara li aktar kmieni għall-ħabta tal-11:00 a.m kienet involuta f’inċident tat-traffiku fi Triq Dun Karm f’Birkirkara.
Minn stħarriġ illi sar irriżulta li tifla ta’ 13-il sena mis-Slovakkja u residenti San Ġwann, ittajret minn vann tal-għamla Toyota Hilux misjuq minn raġel ta’ 32 sena residenti Attard.
Fil-post issejħu ambulanza u tim mediku li assistew lit-tifla sakemm setgħet tittieħed lejn l-Isptar Mater Dei għal aktar osservazzjoni medika.
Aktar tard irriżulta li t-tifla sofriet minn ġrieħi ta’ natura gravi.
L-investigazzjonijiet tal-Pulizija b’rabta ma’ dan l-inċident għadhom għaddejjin.