Sudaniż ta’ 24 sena residenti Birżebbuġa tilef ħajtu wara li ntlaqat minn Land Rover Freelander li kienet qed tinstaq minn raġel ta’ 37 sena residenti Raħal Ġdid.
L-inċident seħħ lbieraħ filgħaxija, għall-ħabta tat-8.00p.m. fi Triq Diċembru Tlettax, il-Marsa.
Il-vittma ngħata l-għajnuna minn tim mediku, iżda sfortunatament kien iċċertifikat mejjet fuq il-post.
Bil-każ ġie nfurmat l-Maġistrat tal-Għassa Victor Axiak li ordna li ssir inkjesta u ħatar diversi esperti.
L-investigazzjonijiet tal-Pulizija għadhom għaddejjin.
