‘Il-ħajja ta’ pumpier ma tinvolvix biss in-nar. Xi kultant tinvolvi li trid tagħmel xi CPR fuq persuna fit-triq u xi kultant tkun li żżomm omm lura waqt li oħrajn jaħdmu fuq bintha. Nitħarrġu għan-nirien, imma nġorru ħafna aktar: l-uċuħ li ma jilħqux, dawk li jilħqu, u l-memorja ta’ kull sekonda bejniethom’.
Dan kien il-messaġġ li wassal il-membru tal-Protezzjoni Ċivili ta’ Malta Henrich Camilleri, permezz tal-mezzi soċjali, fejn qasam ritratt ta’ wieħed mill-inċident li kien hemm matul il-ġimgħa li għaddiet, fil-Fgura.
Camilleri kompla jispjega li hekk jidher ix-xogħol meta l-kamera taqbad il-verità. Tenna li f’xogħol bħal tiegħu wieħed irid dejjem isib il-kuraġġ.