L-għawwiem Kyle Spiteri ipproduċa għawma mill-aqwa fil-50m freestyle biex kiseb id-deheb f’ħin ta’ 22.68. Din kienet l-ewwel darba li Malta rebħet id-deheb f’din id-distanza.
Georgia Bohl assigurat it-tieni midalja tad-deheb għal Team Malta fl-għawm meta iffinalizzat it-tellieqa tal-100m breaststroke f’ħin ta’ 1.09.49.
JUDO
Il-kompetizzjonijiet tal-judo jaslu fi tmiemhom illum bil-kompetizzjoni tat-timijiet li ntlagħbet fl-Iskola Nazzjonali tal-Isport. It-tim tal-irġiel ġie megħlub mil-Lussemburgu bl-iskor ta’ 2-1.
It-tim tan-nisa sofra telfa ta’ 2-1 kontra l-Lussemburgu iżda ngħataw walk-over minn Ċipru.
