Aktar minn 100 priġunier tal-gwerra Ukren se jkunu jistgħu jerġgħu jingħaqdu mal-familji tagħhom wara skambju ta’ membri maqbudin tal-forzi armati Russi u Ukreni.
L-iskambju tal-priġunieri, li sar is-Sibt li għadda u jgħinu f’dan il-proċess kienu hemm l-Emirati Għarab Magħquda – involva 206 uffiċjal militari miż-żewġ pajjiżi.
Il-President Ukren Volodymyr Zelenskiy, qal li mill-103 “ġellieda” Ukrajna li nħelsu, 82 kienu suldati u privati u 21 kienu uffiċjali, inklużi uffiċjali tal-pulizija u gwardji tal-fruntiera.
Aktar tard, huwa qal li l-attakk tal-forzi tiegħu f’Kursk għen biex iseħħ dan l-iskambju tal-priġunieri. Zelenskiy filwaqt li rringrazzja lill-forzi tiegħu għall-ħidma tagħhom f’dan l-iskambju qal li: “B’mod partikolari, l-operazzjoni tagħna fir-reġjun ta’ Kursk tat spinta neċessarja.”
