Fl-aħħar 12-il xahar inħarġu 13,015-il ċitazzjoni mill-ħames speed cameras li hemm fi Triq il-Kosta. Ikkonferma dan il-Ministru għall-intern u s-sigurtà Nazzjonali Byron Camilleri meta mitlub jispjega dwar il-cameras li twaħħlu riċentament kif ukoll jagħti informazzjoni dwar kemm ingħataw ċitazzjonijiet fuq veloċità eċċessiva.
Il-Ministru Byron Camilleri qal li jinsab infurmat li fiż-żona msemmija, inkluż fiż-żona ta’ Kennedy Drive hemm ħames speed cameras.
Waħda f’Tul il-Kosta viċin Triq Sant’ Andrija.
Waħda f’Tul il-Kosta viċin Splash And Fun Park, imwaħħla riċentament (Ġunju 2021).
Waħda f’Tul il-Kosta viċin it-Torri tal-Għallis, imwaħħla riċentament (Ġunju 2021).
Waħda f’Tul il-Kosta bejn is-Salini u t-Torri tal-Għallis, imwaħħla riċentament (Mejju 2022).
Waħda f’Tul il-Kosta viċin il-Magħtab, imwaħħla riċenti (Mejju 2022).
